Ju ndihmofte kështu nis ky pelegrinazh ne kishen e Shna Ndout në Laç, ku sot përmbyllet një nga traditat më të thella dhe më të ndjera të besimit katolik pelegrinazhi i 13 të martave. Që prej mesit të marsit, çdo të martë, qindra besimtarë janë drejtuar drejt këtij vendi të shenjtë, ne një rrugëtim shpirtëror mes lutjesh dhe falenderimesh. Mes dates 12 dhe 13 qershor, mali i Laçit nuk flet me zë ,por çdo hap, çdo qiri i ndezur dhe çdo lutje e pëshpëritur tregojnë një histori. Besimtarët kalojnë orët e natës pranë kishës, disa të ulur në heshtje, të tjerë të përkulur në lutje, me sytë nga qielli dhe shpresën thellë në zemër. Njerëzit e kalojnë natën në lutje, në qetësi, mes zërit të kambanës dhe aromës së qirinjve që nuk ndalen së u ndezuri. Besimi nuk ka nevojë për zë të lartë këtu, gjithçka thuhet me zemër.