Top Channel/ Parakalim të gabuar me BMW, 29-vjeçarja shqiptare u merr jetën vëlla e motër në Kroaci

Një aksident i rëndë ka ndodhur në Gradac të Kroacisë ku një 29-vjeçare shqiptare, teksa drejtonte automjetin e saj tip “BMW” me targa sllovake, ka përplasur për vdekje dy të rinj kroatë, vëlla e motër. Mësohet se aksidenti ka ndodhur në datë 9 prill kur shqiptarja Klevisa Ymeri, e njohur në rrjetet sociale për jetë luksoze, bëri një parakalim të gabuar, teksa dyshohet se ecte me 170 km/orë që u kushtoi jetën të rinjve Stejpan Derek 21 vjeç dhe motrës së tij Katarina Derek 19 vjeçe të cilët po udhëtonin me automjetin që u përplas nga Ymeri. Mediat kroate shkruajnë se 29-vjeçarja shqiptare është arrestuar nga policia e Dubrovnikut ku po mbahet në paraburgim për ngjarjen e rëndë të ndodhur. Pas aksidentit ajo pësoi lëndime të lehta dhe u mbajt në vëzhgim nga policia dhe pas daljes nga spitali u arrestua. “Ndërroi jetën luksoze me burgun”, shkruajnë mediat vendase, ndërsa pasqyrojnë dhe jetën e saj që postonte në Instagram, duke treguar se pëlqente makinat e shtrenjta dhe jetën luksoze. Tashmë ajo ndodhet në paraburgim, e pas disa javësh pritet që të jepet vendimi nga gjykata.