Papa Françesku pritet të zhvillojnë një vizitë në Kosovë. Edhe pse ende nuk është zyrtarizuar data, Papa njoftoi se shumë shpejt do të udhëtojë drejt Prishtinës. “Ne jemi duke punuar në Kosovë, por nuk është e përcaktuar.”, u shpreh për revistën spanjolle Vida Nueva kreu i Vatikanit I cili pohoi se do të udhëtojë edhe drejt Argjentinës. Në muajin qershor kryeministri Albin Kurti gjatë vizitës në Vatikan e ftoi atin e shenjtë që të ndalej dhe në Kosovë. Ndërkohë vizita paralajëmrohet në një kohë kur situata në veri është tejet e tensionuar dhe pritet të zhvillohen sërish zgjedhje. Papa theksoi më tej se nuk do të shkojë në asnjë vend të madh të europës pasi do të vijojë agjendën e tij në vendet e vogla. Agjendë që e nisi me Shqipërinë në 21 shtator të vitit 2014. Në këtë intervistë Papa Françesku zbuloi se ai po konsideron dhe emërimin e një “përfaqësuesi të përhershëm” për të “shërbyer si urë” midis Rusisë dhe Ukrainës. Pas udhëtimit që po bën aktualisht në Lisbonë, në kuadër të Ditës Botërore të Rinisë, Papa do të udhëtojë në Mongoli midis 31 gushtit dhe 4 shtatorit.