Palestinezët merrnin pjesë mbrëmë në funeralin e 27 vjeçarit Mohammed Kabisa, të vrarë nga trupat izraelite gjatë një proteste kundër kolonive të reja izraelite në Nablus, në Bregun Perëndimor. Të paktën 12 palestinezë u plagosën nga ushtria izraelite që hapi zjarr dje ndaj një grupi që protestonin kundër ndërtimit të kolonive në qytezat Beita e Beit Dajan. Agjencia palestineze SAFA tha se protestuesit pas lutjeve të së premtes u drejtuan per ne Beita, një koloni e re izraelite që është fokusi i demonstratave të reja të rezistencës. Trupat izraelite qëlluan fillimisht me granata shurdhuese dhe plumba gome. Më tej mediat thanë se të paktën 12 njerëz ishin plagosur nga plumbat e zjarrit dhe 18 të tjerë nga ekspozimi ndaj gazit lotsjellës. Sipas ligjit ndërkombëtar, toka ku është ndërtuar kolonia është palestineze ndersa programi izraelit i zgjerimit të kolonive është dënuar në mbarë botën.