Top Channel/ Pacolli: Kosovë-Shqipëri, të lënë mënjanë inatet dhe të koordinojnë veprimet politike

Një shkrim kritikues i Edi Rama mbi qëndrimet kundërshtues të Kosovës ndaj nismës “Balkani Hapur” ka rikthyer përplasjet në distancë të kryeministrit shqiptar me disa drejtues partish si në pushtet ashtu dhe në opozitë në Prishtinë. Pjesë e debatit të ditëve te fundit u bë edhe kryetari i Aleancës Kosova e Re Behgjet Pacolli. Pacolli: Pa pretendime politike, mbështetje, kritikë apo preferencë ndaj askujt, e kam më se të nevojshme të ftoj përfaqësuesit e institucioneve të dy vendeve tona (Shqipërisë dhe Kosovës) që të ulin tensionet, të lënë mënjanë inatet dhe teket dhe interesat personale dhe të fillojnë të punojnë së bashku e të harmonizojnë dhe koordinojnë të gjitha veprimet politike, në një kohë kur mbështetja për Kosovën nga Shqipëria, është më se e nevojshme.