Tre administrator subjektesh janë proceduar penalisht pasi kishin zënë hapësirën publike me shezlongë dhe çadra të vendosura pa lejen përkatëse, në Golem. Policia njofton se janë proceduar shtetasit A. B., 59 vjeç, F. Sh., 30 vjeç dhe E. Sh., 31 vjeç. “Nga specialistët për Hetimin e Krimit në Komisariatin e Policisë Kavajë u proceduan në gjendje të lirë shtetasit A. B., 59 vjeç, F. Sh., 30 vjeç dhe E. Sh., 31 vjeç, pasi gjatë kontrolleve të ushtruara në plazhin e Golemit, u konstatua se këta shtetas kishin zënë hapësirën publike me shezlongë dhe çadra të vendosura pa lejen përkatëse”, thuhet në njoftimin e policisë.