“Shqipëria po planifikon një shtet të ri mysliman brenda kryeqytetit të saj”: Në një artikull të gjatë, prestigjozja New York Times rrëfen në detaje nismën që ka befasuar autorin e shkrimit, Andreë Higgins. Bëhet fjalë për një enklavë të stilit të Vatikanit që do të qeveriset nga bektashinjtë, thotë ai, të paktën kjo është shpresa e klerikut që përgatitet ta drejtojë, Edmond Brahimaj i njohur si Baba Mondi, udhëheqësi kryesor i Bektashinjve, një rend sufi shiit i themeluar në shekullin e 13-të në Turqi, por tani me qendër në Shqipëri thekson artikulli. Nëse gjithcka shkon sipas planit, shteti më i vogël i botës do të lejojë alkoolin, do t`i lërë gratë të veshin cfarë të duan dhe nuk do të imponojë asnjë rregull për stilin e jetesës. “Zoti nuk ndalon asgjë, prandaj na e ka dhënë mendjen”, shprehet Baba Mondi në intervistë, duke shpjeguar se si synon të udhëheqë në copën e tokës prej 11 hektarësh që Shqipëria dëshiron ta kthejë në një shtet sovran me administratën, pasaportat dhe kufijtë e tij. “:Të gjitha vendimet do të merren me dashuri dhe mirësi”, shton ai. Kryeministri shqiptar Edi Rama shpjegoi për median e njohur se ka ndërmend t`i shpallë në të ardhmen e afërt do të shpallë planet për entitetin, që do të quhet Shteti Sovran i Urdhrit Bektashi. Kryeministri Edi Rama thotë se dëshiron t'u japë anëtarëve të Bektashinjve, enklavën e tyre të stilit të Vatikanit si një mënyrë për të promovuar tolerancën fetare. Qëllimi i shtetit të ri, sic sqaron ai, është promovimi i një versioni tolerant të Islamit me të cilin Shqipëria krenohet. “Ne duhet të kujdesemi për këtë thesar, që është toleranca fetare dhe që nuk duhet ta marrim kurrë si të mirëqenë,” shprehet Rama. Një mikroshtet i moderuar islamik, për kryeministrin do të dërgonte mesazhin: "Mos lejoni që stigma e muslimanëve të përcaktojë se cilët janë muslimanët". Territori i shtetit të ri islamik të propozuar është një kompleks në një lagje banimi në lindje të Tiranës. Është vetëm një e katërta e madhësisë së qytetit të Vatikanit, aktualisht vendi më i vogël në botë, i qeverisur nga Papa, një monark absolut, nënvizohet në shkrim. Një ekip ekspertësh ligjorë, përfshirë juristë ndërkombëtarë, thuhet më tej, po hartojnë legjislacionin që përcakton statusin sovran të shtetit të ri brenda Shqipërisë, dhe kjo do të duhet të miratohet nga Parlamenti.