Si të tjerët edhe kryetari I bashkisë së Vaut të Dejës. SPAK priti afro pesë muaj nga zgjedhjet e 11 majit për ti treguar Kristian Shkrelit se edhe ai I ka keq punët me drejtësinë. Ndaj kryebashkiakut rëndon akuza e korrupsionit në zgjedhje, bazuar në kqyrjet e kryera në telefonin e tij dhe në përgjimet telefonike . Prokurori Dritan Prenci pjesë e taskforcës që hetoi krimet zgjedhore, ka dyshime se kryetari I bashkisë Shkreli kërkoi vota në shkëmbim të dy investimeve të kryera nga institucioni që ai drejtonte. Njëri ishte rikonstruksioni për një rrugë ndërsa e dyta , rregullimi I linjës së energjisë elektrike në fshatin Stajkë. Por I kontaktuar nga TCH kryebashkiaku I Vaut të Dejës këmbënguli se nuk ka kryer krim zgjedhor. ‘Unë kam bërë detyrën time, s’kam bërë korrupsion. Njerëzit ankoheshin qe nuk kishin energji dhe unë punova që tu ofrohej ky shërbim siç ma kërkon ligji. Nuk e di ku është korrupsioni në zgjedhje këtu” komentoi Shkreli për Tch. Mbasi u njoh me akuzën shkreli foli shkurt për mediat