Çifti i shumë i dashur për publikun, Bora Zemani dhe Donald Veshaj janë në një pritje të ëmbël. Lajmin e ka konfirmuar vetë çifti, në videon përmbledhëse të episodit të ardhshëm të “Cherry on Top”, nën moderimin e Bora Zemanit. “Një lumturi kaq e madhe nuk mund të mbahet dot vetëm për vete”, thotë Bora në nisje, ndërsa prek barkun, pak të rrumbullakosur. Në një fragment tjetër të videos Donaldi i puth dorën, të dy të emocionuar. Dyshja kanë qenë shpesh në qendër të vëmendjes, si një nga çiftet më të komentuara të estradës shqiptare. Edhe pse jo të martuar, Donaldi i ka propozuar Borës në premierën e filmit të tyre “5 herë jo”. “Kemi kaluar shumë sfida bashkë dhe do të doja shumë që të kalonim një sfidë tjetër bashkë. A do të martohesh me mua?”, u shpreh Donaldi teksa ishte i ulur në gjunjë. “PO” ishte përgjigja e Bora Zemanit, e cila me një propozim përpara qindra pranoi unazën e partnerit të saj, nën praninë e djalit të saj Arborit.