Një këlysh femër tigri të rrezikuar Bengali, u bë sot e katërta e lindur në kopshtin zoologjik kombëtar të Masaja në Nikaragua. Ajo po mbahet në kujdes të veçantë prej aftësisë së kufizuar të nënës së saj për të ushqyer me gji, tha drejtori i kopshtit Eduardo Sacasa. Tigri i lindur të shtunën bëhet i katërti i këtij lloji që lind në Masaya, kopshti rreth 30 kilometra larg kryeqytetit Managua. Kujdestarët thanë se bebja e dobët po ushqehet me qumësht të veçantë për mace. “Ne po kujdesemi që ajo të mbijetojë. Është një periudhë delikate për të sepse nuk po merr elementët mbrojtës të qumështit të dendur të nënës," tha Sacasa. Nëna e këlyshit Dalila kishte lindur dhe një këlysh tigri të bardhë të quajtur Nieve në dhjetor, i cili vdiq nga probleme respiratore dy javë më vonë. Kopshti zoologjik i Nikaraguas ka dhe dy tigra të tjera femra që kanë lindur këlyshë.