Një ekspozitë e re hapet këtë javë duke gjurmuar një shekull të fotografisë së portreteve mbretërore britanike, nga imazhi zyrtar i kurorëzimit të Mbretit Charles III te një portret intim i tezes së tij të ndjerë, Princeshës Margaret. "Portrete mbretërore: Një shekull fotografie" është ekspozita e parë në Galerinë e Mbretit të sapohapur në Pallatin Buckingham, e cila më parë njihej si Galeria e Mbretëreshës. Duke shfaqur 150 foto nga 40 fotografë, ekspozita bashkon vepra nga fotografë të njohur. Fotografitë janë nxjerrë të gjitha nga Koleksioni Mbretëror një nga koleksionet më të mëdha të artit në botë dhe përfshin portrete të ndryshme. Duke filluar nga vitet 1920, ekspozita paraqet portretet mbretërore nga fillimet e saj në fotografinë bardh e zi, deri te përshkrimet shumëngjyrëshe dhe moderne në shekullin e 21-të. Fotografia ka qenë një mënyrë e rëndësishme për familjen mbretërore britanike për të projektuar një imazh të kujdesshëm publik, duke u dukur gjithashtu e aksesueshme. Sipas kuratorit të ekspozitës, fotografia e portretit mbretëror mund të "ruajë në mënyrë unike rolin historik dhe funksionin e një portreti mbretëror duke e vendosur familjen mbretërore në epokën moderne". Pamjet: AFP