Një ditë pasi njoftoi zgjedhjet e përgjithshme të parakohshme, kryeministri britanik Rishi Sunak nisi fushatën me premtimin se nëse rizgjidhet në 4 korrik, skema e depërtimeve të emigrantëve në Ruanda do të vihet në zbatim. "Nëse unë rizgjidhem si kryeministri juaj, ato fluturime do të mbërrijnë në Ruandë”, tha ai në një takim fushate në Derbyshire. Kjo deklaratë e tij u përdor më pas nga kundërshtari Keir Starmer, që u shpreh se ka qenë gjithnjë i vetëdijshëm se plani, i hartuar dy vjet më parë nën Boris Johnson, nuk do të funksiononte. "Unë nuk mendoj se ai ka besuar ndonjëherë se plani do të funksionojë, ndaj ka caktuar zgjedhjet më herët, që të mos testohet para votimeve”, tha lideri laburist gjatë një vizite në Kent. Sipas skemës prej 500 milion £, e cila është gurthemeli i premtimit të qeverisë së tij për të "ndaluar anijet", fluturimet nuk do të zbresin në Ruandë deri "pas zgjedhjeve". Votimi do të zhvillohet të enjten më 4 korrik në të gjitha 650 zonat parlamentare të Mbretërisë së Bashkuar dhe numërimi do të ndodhë brenda natës, me dy partitë kryesore që kërkojnë të kalojnë shifrën e 326 të nevojshme për një shumicë. Pamjet: AFP