Pas zgjedhjeve të së dielës, Portugalia nuk ka një parti që ka fituar shumicën parlamentare. Skena politike e vendit mbetet e përçarë dhe e destabilizuar, ndërsa e djathta ekstreme pret të dalë në balotazh me partinë në pushtet. Kryeministri socialist Antonio Costa po lufton për karrigen e tij, teksa partia e ekstremit të djathtë PSD, rikuperoi disavantazhin që kishte në sondazhet parazgjedhore. Madje mbërritja e kryeministrit në selinë e fushatës në mbrëmjen e mbylljes së zgjedhjeve të përgjithshme, u prit me protesta nga grupe kundër vaksinimit të detyrueshëm. Perspektiva e një qeverie tjetër të dobët të pakicës vjen ndërsa Portugalia po përpiqet të nxisë ekonominë e saj të varur nga turizmi, e cila është goditur keq nga pandemia e koronavirusit. Një qeveri e qëndrueshme është e nevojshme që Portugalia të përfitojë sa më shumë nga një paketë prej 16.6 miliardë euroshe fondeve të rimëkëmbjes së BE-së që do të marrë deri në vitin 2026.