Pas pothuajse tri javë rrethim, palestinezët e parë u lejuan të largohen nga Gaza për në Egjipt. Lëvizja erdhi pas goditjes për të dytën ditë me radhë të një kampi refugjatësh. Të mërkurën Egjipti lejoi kalimin e 110 personave që kishin pasaporta të huaja dhe të plagosur rëndë në Gaza. Plani është që edhe mbi 400 persona që kanë pasaporta të huaja të lejohen të largohen për në Egjipt. Egjipti, megjithatë, është shprehur kundër pranimit të një fluksi refugjatësh palestinezë, nga frika se Izraeli më nuk do të lejojë kthimin e tyre në Gazë pasi të përfundojë lufta. Edhe pse bombardimet kanë detyruar dhjetëra mijëra persona të largohen nga shtëpitë e tyre dhe furnizimet me ujë, ushqim dhe karburante janë pakësuar, askush deri më tani nuk ishte lejuar që të largohej nga enklava. Pikëkalimi kufitar Rafah, mes Rripit të Gazës dhe Egjiptit, është rruga e vetme përmes të cilës mund të kalojnë njerëzit por edhe të futen futen ndihmat në Gaza drejtpërdrejt pa kaluar nëpër Izrael, si dhe dalja e vetme e cila nuk të çon në tokën izraelite. Egjipti, vendi i vetëm arab i cili e ndan kufirin me Gazën, dhe Jordania, e cila kufizohet me Bregun Perëndimor të uzurpuar nga Izraeli, kanë kërkuar që palestinezët të mos detyrohen ta braktisin tokën e tyre. Pamjet: AFP