Ka ndërruar jetë në moshën 76-vjeçare O.J. Simpson, ylli i futbollit amerikan, lirimi i të cilit nga burgu në vitin 1995 në të ashtuquajturin "gjyqi i shekullit" për vrasjet brutale të gruas së tij dhe shokut të saj pushtoi botën. Lajmin për ndarjen e tij nga jeta e ndau familja, sipas së cilës O.J. Simpson humbi betejën me kancerin. Simpson arriti t’i shmangej dënimit në Los Anxhelos në vitin 1994. Simpson ishte një prej sportistëve më të mirë dhe më popullor në fund të viteve ’60 dhe në fillim të viteve ’70. Por, karriera e tij sportive ndryshoi pasi Nicole Broën Simpson dhe Goldman u gjetën të vrarë në shtëpinë e Nicole në Los Anxhelos më 12 qershor 1994. Simpson menjëherë u bë i dyshuari kryesor. Policia e ndoqi derisa e ndaloi. Gjykimi ndaj tij ishte ndër më të ndjekurit në Amerikë. Ai që në fillim u shpreh se ishte “100 për qind i pafajshëm” dhe kishte falënderuar gjykatësit kur e liruan nga akuzat më 3 tetor 1995. Prokurorët kishin argumentuar se Simpson kishte vrarë ish-gruan e tij, Nicole, për shkak të xhelozisë. Gjatë gjykimit prokurorët kishin kërkuar që Simpson të provonte një palë doreza me gjak që ishin gjetur në vendin e krimit, të bindur se ato do t’i bënin atij, dhe kështu do të vërtetonin se ai ishte vrasësi. Por dorezat ishin të vogla dhe Simpson u tregoi gjykatësve se ai nuk ishte vrasësi. Pas lirimit ai deklaroi se do t’i kushtonte jetën gjetjes së vrasësit të bashkëshortes. Për ngjarjen u realizua edhe një dokumentar që fitoi Oscar në 2016. Pamjet: AFP