Një zyrtar i lartë I NATO paralajmëron se Bjellorusia, një aleat i ngushtë i Rusisë mund të sulmojë së shpejti Ukrainën. Zyrtari i cili foli në kushtet e anonimitetit tha se bjellorusia po përgatitet të lejojë Rusinë të pozicionojë armë bërthamore në tokën bjelloruse ‘Qeveria bjelloruse po përgatit mjedisin për të justifikuar një ofensivë kundër Ukrainës dhe vendosjen e armëve bërthamore ruse në Bjellorusi.’ Zyrtarët ukrainas kanë paralajmëruar publikisht se Bjellorusia mund t'i bashkohet luftës. Ndërsa Bjellorusia ka lejuar trupat ruse të përdorin territorin e saj për të nisur operacione tokësore dhe ajrore, megjithatë NATO thotë se nuk ka parë asnjë provë të fortë që trupat bjelloruse kanë marrë pjesë drejtpërdrejt në luftën në Ukrainë. ‘Unë nuk po ju them se ata do të vendosin armë bërthamore atje nesër. Ajo që dua të them është se ata kanë ndërmarrë hapa politikisht që tani të jenë në gjendje të marrin armë bërthamore nëse merret një vendim i tillë’, tha zyrtari. Zyrtari e përshkroi konfliktin në Ukrainë si në prag të hyrjes në një ngërç, e kjo tha ai, do të çojë në një "luftë të gjatë " që do të sjellë humbje shumë të mëdha.