Në përshkallëzimin më të fundit të një lufte tregtare globale, që këtë javë coi dretj tarifash 25% mbi celikun dhe aluminin që hyjnë në SHBA, presidenti Donald Trump ka kërcënuar me vendosjen e një tarife 200% për alkoolin nga vendet e BE-së nëse blloku europian nuk heq dorë nga tarifa e tij prej “50% për uiskin amerikan". BE-ja iu përgjigj një ditë më parë tarifave amerikane të çelikut dhe aluminit duke thënë se do të rriste taksat e saj në vlerë deri në 26 miliardë euro apo 28 miliardë dollar ndaj mallra amerikane, duke përfshirë varkat, motoçikletat, si dhe ëhiskyn e famshëm Bourbon. Goditja e parë e një lufte tregtare transatlantike erdhi në 12 mars duke hapur kështu një front tjetër mes Bashkimit Evropian dhe Shteteve të Bashkuara të Amerikës, pas qëndrimeve të tyre plotësisht të kundërta për luftën e Rusisë në Ukrainë dhe për arkitekturën e sigurisë së kontinentit. Që nga fillimi i shkurtit ishte bërë e ditur se Uashingtoni do të vendoste tarifë prej 25 për qind ndaj importeve të aluminit dhe çelikut nga Bashkimi Evropian, duke nisur nga 12 marsi. Trump, është kritik i zëshëm i deficitit tregtar në mallra – dhe jo vetëm me Evropën – dhe beson se vendosja e tarifave është një mënyrë për t’i rikthyer investimet dhe vende e punës në Amerikë. Por Brukseli duket ishte përgatitur për një skenar të tillë që kur republikani u kthye në Shtëpinë e Bardhë në janar, prandaj edhe vendosi menjëherë më 12 mars me kundërmasa ndaj Uashingtonit.