Banorë e përdorues të mediave sociale në Meksikë po përpiqen të zgjidhen misterin e qindra zogjve, që papritur u shembën të ngordhur në rrugët e një zone të rajonit të Chihuahua. Shpendët, që ishin të gjithë të një lloji, u zbuluan të pajetë në trotuare nga banorët e qytetit Cuauhtémoc. Të cuditur, njerëzit e kanë nxituar të thërrasin policinë pasi panë zogjtë me trup të zi e kokë të verdhë që mbushnin rrugët. Mendohet se ata kanë qenë duke shtegtuar nga veriu i Kanadasë drejt Meksikës, për t`iu larguar dimrit. Ka mbetur i paqartë shkaku i ngordhjes së tyre masive, megjithatë disa veterinerë spekuluan se ndoshta zogjtë mund të kenë ngordhur për shkak se kanë thithur tymra toksikë, ose mund të kenë prekur në të njëjtën kokë linja të tensionit të lartë. Nuk kanë munguar megjithatë në rrjetet sociale edhe pretendimet se kjo mund të jetë një “shenjë e fundit të botës”, dhe për këtë, citojnë faktin që disa episode të ngjashme janë shënuar edhe në pjesë të tjera të botës.