Ish-Miss Indiana është vënë në pranga gjatë një operacioni anti-drogë ndaj një karteli meksikan, që hetohej prej vitesh nga policia në shtetit amerikan. 34 vjeçarja Glenis Zapata, që ka fituar titullin Miss Indiana Latina në vitin 2011 dhe punonte si stjuardesë, shfrytëzonte profesionin për të kaluar paratë e drogës nga Chicago në jug të SHBA-së e më pas në Meksikë. Ajo akuzohet për pastrim parash në shumën prej rreth 310 mijë dollarësh në vitin 2019. Zapata u ndalua së bashku me dy punonjës banke dhe është mes 18 të dyshuarve të kapur në operacionin që objektivit kryesor kishte trafikantin Oswaldo Espinosa. Sipas autoriteteve, nga viti 2018 deri në 2023, Espinosa ka rekrutuar dhjetëra punonjës të fushave të ndryshme për të krijuar rrjetin e tij kriminal. Grupi përdorte magazina e garazhe për fshehjen e parave e të drogave dhe më pas, ato ngarkoheshin në kamionë për transport ose në fluturime komerciale me ndihmën e të infiltruarve si Zapata. Pamjet: AFP