Ushqimi I kafshëve që vjen nga Serbia në Shqipëri është i kontaminuar me me toksinën kancerogjene, aflatoksinë. AKU ka bllokuar 25 ton misër serb në pikën kufitare në Han të Hotit pasi në bazë të analizave laboratorike ky produkt ka rezultuar I pasigurtë për shëndetin e kafshëve. Aflatoksina është një toksinë e krijuar nga myku që rritet tek drithërat. Ushqimi I kafshëve me aflatoksinë nuk vë në rrezik vetëm shëndetin e lopëve dhe të bagëtisë së imtët, por përbën rrezik edhe për njërëzit sepse aflatoksina më pas depozitohet tek qumështi. “ Është konstatuar gjatë aksioneve tona një ngarkesë misri me aflatoksinë, gjithashtu janë bllokuar dhe ngarkesat e tjera.Janë marë 10 kamione misri, ndërsa sasia e produktit të bllokuar me aflatoksinë është 25 ton, dhe është vendosur që të asgjesohet pasi të bëhet verifikimi i të gjitha veprimeve administrative. “ Duke qenë përballë këtij alarmi të sigurisë së ushqimore, inspektorët e AKU që ushtrojnë detyrat në pikat doganore në kuadër të monitorimit do të analizojnë ccdo ngarkesë ushqimi blegtorial, para se të shkojë në stallat e bagëtive që furnizojnë me lëndë të para fabrikat e qumështit.