Me 110 vota pro, 1 abstenim dhe me vetëm një kundër u miratua ligji për amnistinë. Socialistët dhe grupi i deputetëve të rithemelimit pas disa muajsh negociata, arritën dakordësinë duke kaluar në parlament ligjin nga i cili do të përfitojnë 1100 të burgosur, 700 prej të cilëve do të lirohen menjëherë. Lehtësira do të ketë dhe për 2700 të dënuar të tjerë me shërbim prove. Nga kjo amnisti nuk do të përfitojnë zyrtarë të lartë të rangut ministër, deputetë apo krye-bashkiakë tw dënuar nga gjykata speciale, por përfitues ama janë zyrtarë të niveleve të dyta si drejtorë apo sekretarë të përgjithshëm. Vota kundër për Amnistinë Penale ishte nga deputeti Agron Shehaj. Ndërsa abstenoi socialistja Ermonela Felaj. Lulzim Basha dhe mbështetësit e tij, u larguan nga seanca pas rrëzimit të amendamenteve të propozuar nga Enkelejd Alibeaj, të cilat nuk u pranuan nga socialistët dhe grupi i rithemelimit.