21.5 mln euro/ km që do të financohet plotësisht nga xhepat e taksapaguesve shqiptar, Milot Balldre është një ndër koncensionet më të shtrentja që vet Ministria e Infrastrukturës ka dhënë dritën jeshile për cdo kilometër që do të ndërtohet. Jo vetëm kostot e ndërtimit që qëndrojnë të larta por cfarë ngre pikëpyetje nga ky koncension është më shumë operimi dhe mirëmbajtja e rrugës dhe tarifat e kalimit. Në një analizë që Top Channel ka kryer rezulton se vetëm për mirëmbajtjen për 17 kilometra do të paguhet një vlerë prej 83.4 milionë euro. Por kjo vlerë rezulton më e lartë se kostot e kontratave të zakonshme të ministrisë së infrastrukturës. Në një mesatare vlera për 17 kilometër e mirëmbajtjes së koncensioneve të tilla të realizuara më parë varion nga 5-5.4 mln euro. Duke bërë që fatura e mirëmbajtjes e Milot Balldre të jetë rreth 15 herë më e shtrenjtë, pra 83.4 mln euro.