Disa anije regjistruarn pamje të mijëra peshqve të ngordhur në sipërfaqe të oqeanit Atlantik pranë Francës dhe Spanëjs. Masa gjigante e peshqve të ngordhur, 300 km larg qytetit francez La Rochelle besohet se është lëshuar nga anija "Margiris", një nga peshkarexhat më të mëdha në botë. Imazhet impresionuese të regjistruara nga anija Sea Shepherd tregonin masën e peshqve që mbulonte një hapësirë prej 3 km katrorë në Gjirin e Biskei. Në zonë veprojnë kartër anije të mëdha peshkimi, duke përfshirë dhe Margiris, e dyta në botë nga madhësia. Disa zyrtarë thanë se ngarkesa e hedhur ishte me peshq të padëshiruar, që janë lëshuar përsëri në ujë edhe pse të ngordhur. Deri tani të katër peshkarexhat e mëdha që operojnë në zonë kanë mohuar të kenë lidhje me ngjarjen. Ndërkohë që autoritetet franceze po hetojnë.