Mijëra kuti e pako shiheshin në binarët e Los Angeles pas grabitjeve të vagonëve të rrjetit të shpërndarjeve Amazon. Hekurudhat Union Pacific thonë se ka pasur një rritje prej 160 perqind të vjedhjeve të tilla në krahasim me një vit më parë. Dhjetra trena të tillë mallrash vidhen çdo ditë në Los Angeles teksa hajdutët përfitojnë nga ndalesat për të grabitur pakot e blera online. Sipas disa mbetejeve të objekteve të gjetura pranë qendrës së qytetit, grabitjet përfshinin dergesa nga posta si Amazon, Target, UPS e FedEx. Hajdutët presin derisa trenat e gjatë të ndalojnë në binarë dhe më pas ngjiten në konteinerë të cilët i hapin me prerës vidash. Më pas ata marrin pakot e ndryshme duke zgjedhur ato më të kushtueshme ose që mund të shiten më lehtë. Shtimi i këtyre grabitjeve është shopëruar dhe me një rritje të sulmeve e grabitjeve të armatosura ndaj postuesve të shpërndarjes. Fenomeni arriti kulmin gjatë periudhës së blerjeve të Krishtlindjeve me rreth 90 konteinerë të vandalizuar në Los Angeles.