Revista prestigjioze, britanikja “Wanderlust”, i ka dhënë medaljen e argjendtë Shqipërisë si vendi me pëlqyeshmërinë më të lartë për tu vizituar. Lajmin e ka bërë të ditur kryeministri Rama i cili ka shpërndarë edhe pamjen e çmimit të dhënë nga kjo revistë. “Wanderlust”, realizoi konkursin “Wander Reader Travel Aëards” dhe ka qenë publiku ai që ka vlerësuar se cilat vende janë më të pëlqyerat. Shqipëria është vlerësuar si një destinacion që po fiton shpejt famë botërore ku ndërthuren bukuritë natyrore me trashëgiminë e pasur kulturore. Kryeministri Rama e quajti “Lajm të bukur” vlerësimin për Shqipërisë. Ai thotë se Bukuritë e Shqipërisë, që nga majat e Alpeve të thepisura, brigjet magjepsëse të rivierës shqiptare dhe të Adriatikut, sitet e trashëgimisë UNESCO, monumentet e trashëgimisë kulturore dhe ata natyrorë, parqet kombëtare, fshatrat e bukur turistikë nga veriu në jug, kulinaria dhe prodhimet tradicionale tërhoqën 9.7 milionë të huaj gjatë 9 muajve të këtij viti.