Top Channel/ Më e vështirë të bëhesh britanik/ Media: Do zgjatet koha për marrjen e nënshtetësisë

Aktualisht, pas pesë vjetësh qëndrimi të rregullt në Britani të lind e drejta për të marrë lejen e përhershme të qëndrimit, si hapi i parë drejt shtetësisë, dhe pas një viti mund të bësh kërkesën për shtetësinë. Ky afat sipas planeve të raportuara në median vendase, qeveria e Rishi Sunak kërkon ta zgjasë deri në tetë vjet. Ndër planet e tjera që po shqyrton qeveria konservatore në pushtet, në vështirësi të mëdha elektorale, përfshihet edhe kërkesa që aplikuesit të kenë punuar ose të kenë qenë në shkollë në Britani për një periudhë dyvjeçare. Një kusht strik është ai i precedentëve penal, ku kërkohet nga ata që duan të bëhen britanik, që të mos kenë qenë të dënuar nga gjykatat britanike për të paktën dhjetë vjet.