Një gjyqtar në Nju Jork e ka dënuar shtetasin rus, Alekasandr Zhukov, me 10 vjet burg për mashtrime dixhitale.Ai konsiderohet si një prej personave që ka kryer mashtrimet më të sofistikuara në historinë e internetit. Gjyqtari, Eric Komitee në Bruklin e denoi Zhukovin për vjedhjen e më shumë se shtatë milionë dollarëve nga kompani në Shtetet bashkuara në periudhën shtator 2014 dhe dhjetor 2016, përmes një skeme të rreme reklamimi, tha Zyra e Prokurorit në Nju Jork. Zhukovit, 41-vjeçar, i cili e ka konsideruar veten “mbret të mashtrimeve”, do t’i konfiskohen edhe 3.8 milionë dollarë. I ekstraduar në Shtetet e Bashkuara, pasi është arrestuar në Bullgari në nëntor të vitit 2018, ai u dënua në vazhdën e një procesi gjyqësor të zhvilluar në maj të vitit 2021 për mashtrime dhe pastrim parash. Skema e Zhukovit, që e konsideron veten të pafajshëm, ka përdorur mijëra kompjuterë të infektuar me viruse në gjithë botën, për të krijuar ide të rreme të qarkullimit të trafikut, në mënyrë që të mashtrojë reklamuesit.Gjykata po ashtu tha se burri se Zhukov “ka rekrutuar programues dhe punëtorë tjerë për ta zgjeruar skemën dhe për të ndërtuar infrastrukturën e duhur për të kryer trafik të rremë”.