Mbreti i Marokut, Mohamed VI, ka denoncuar sot në një fjalim ato që quante "sulme metodike" kundër vendit të tij, nga shtete dhe organizata që njihen si armiqësore”. Ai nuk përmendi emrat e entiteteve, por tha: "Maroku, ashtu si vende të tjera arabe të rajonit Magreb, përballet me agresion të qëllimshëm e të paramenduar”. “Duke shfrytëzuar ide të dala kohe, armiqtë e mbretërisë nuk duan që Maroku të mbetet një vend i lirë, i fortë dhe me influencë, siç ka qenë gjithmonë". Mbreti shtoi se vendi dëshiron të vendose marrëdhenie solide, konstruktive e të balancuara me të gjitha vendet fqinje, duke cituar Spanjën, si dhe Francën. Ai denoncoi gjithashtu një fushatë të gjerë “njollosjeje ndaj institucioneve të sigurisë së vendit të tij”. Kohët e fundit mbretëria është akuzuar në mediat ndërkombëtare se ka përdorur sistemin e sofistikuar izraelit të përgjimeve Pegasus. Autoritetet vendase kane mohuar supozimet duke i quajtur “akuza të rreme e të pabaza” dhe kane nisur ankimime ligjore në Francë, Spanjë e Gjermani. Skandali i sistemit Pegasus ka përfshirë disa vende, të cilat me të spiunonin ilegalisht politikanë, gazetarë, aktivistë e liderë biznesi.