Top Channel/ Mblidhen 392 mln euro më shumë, të ardhurat u rritën në 7 muajt e parë të këtij viti

Përshpejtimi i aktivitetit ekonomik ka rritur ndjeshëm të ardhurat buxhetore. Sipas të dhënave të ministrisë së financave në 7-mujorin e parë të vitit kanë hyrë në buxhet 281.4 miliardë lekë, rreth 47.7 miliardë lekë më shumë se kundrejt të njëjtës periudhë të një vitit më pare (392.3 mln euro më shumë), duke sinjalizuar një rimëkëmbje të shpejtë të ekonomisë pas goditjes që mori një vit më parë si pasojë e krizës.