Televizionet iraniane publikuan pamjet e luftanijeve kineze dhe ruse që mbërritën në brigjet lindore të Iranit ku do të zhvillojnë manovra për tre ditë në oqeanin Indian. Irani, Rusia e Kina synojnë forcimin e sigurisë së përbashkët, tha komandanti detar iranian. Njoftimi erdhi no kohën kur presidenti iranian Ebrahim Raisi po zhvillon një vizitë zyrtare në Moskë, i cili deklaroi se Teherani "nuk vendos kufij në marrëdhëniet me Rusinë". Manovrat vijnë gjithashtu në kohën kur në Vienë po diskutohet ringjallja e marrëveshjes ndërkombëtare bërthamore e Iranit, ku përfshihen dhe Kina e Rusia. Admirali iranian Mustafa Tajeddini tha se në fushatën stërvitore do të përfshihen 11 njësi detare të Iranit, tre njësi të Gardës revolucionare, tre njësi nga Rusia e dy nga Kina. Ai shtoi se fushata do të zhvillohet në një zonë prej 17,000 kilometra katrorë në veri të oqeanit Indian. Tajedini tha se objektivi është të "zgjerohen kapacitetet dhe gatishmëria e luftimit, si dhe forcimi i lidhjeve ushtarake mes forcave detre të vendeve pjesëmarrëse.”