Ky vendepozitim është i rrethuar nga shtëpitë e banimit. Fusha e mbetjeve të Vlorës ka një sipërfaqje prej 12.6 Ha, ndërsa kanali i ujërave të zeza është vetëm 5 metra larg. Ministria e Mjedisit që në vitin 2015 ka propozuar që ky vendepozitim të mbyllet. Por deri në momentin e përfundimit të punimeve të ladfillit të Sherishtës, plehrat e bashkisë së Vlorës do të depozitohen të gjitha këtu pa u diferencuar. Zona ku ndodhet landfilli që prej vitit 2004 me Vendim të Këshillit të Ministrave është shpallur zonë e mbrojtur, pavarësisht kësaj makinat e mbetjeve kurrë nuk kanë ndaluar së hedhuri plehra. Në këtë landfill sasi e mbetjeve që depozitohet në ditë kap shifrën e 140 ton mbetjeve. Ndërsa brënda një viti në fushën e plehrave që ndodhet afër pyllit të Sodës depozitohen 51.100 ton me mbetje. Banorët e Zonës thonë që ky vend nuk ka mare kurrë zhvillim, pasi kanë qenë plehrat ato që e mbajnë larg turistin.