Ka humbur jetën sot në spital gazetari i njohur holandez i krimit Peter R. de Vries, i cili u qëllua me armë 7 ditë më parë në 6 korrik. 64-vjeçari u qëllua të paktën pesë herë në një rrugë kryesore të Amsterdamit, në atentatin që shokoi vendin e njohur për vlerat demokratike. Gazetari i vjetër njihej për mbulimin e ngjarjeve të botës kriminale të vendit, duke ekspozuar rregullisht krerët e bandave të trafikut të drogës. Ai raportohet se ka ndihmuar policinë në zgjidhjen e disa çështjeve kriminale të profit të lartë, krime të mbetura të pazgjidhura nga e kaluara apo rastet me përfshirjen e fëmijëve e adoleshentëve. Zoti de Vries është përballur edhe më parë me rrezik prej detyrës së tij. Ai është mbajtur disa herë nënë mbrojtjen e policisë pas kërcënimeve të marra, dhe në 2019 policia e informoi se ishte në listën e personave për t’u vrarë, nga krimineli më i kërkuar i vendit.