Pamje dramatike ajrore tregonin sot krateret që villnin zjarr në vullkanin e ishullit spanjoll të La Palma në Atlantik. Që prej nisjes së shpërthimit dy javë më parë mali i Cumbre Vieja ka nxjerrë rreth 80 milionë metër kub shkëmb të shkrirë. Rezidentët e fshatit të vogël pranë vullkanit shpreheshin të shokuar nga vizitorët që vijnë për të parë vullkanin spektakolar në ishull. "Nuk ka asgjë të mrekullueshme këtu," ankohej Carlos Bautista, pensionisti 70 vjeçar që bashkë me fshatarë të tjerë shikojnë lëshimin e llavës në ajër. Dëmet e vullkanit përfshijnë dhjetra shtëpi e biznese të shkatërruara, dhe toka të panumërta të mbuluara nga magma. Lumi i llavës me temperaturë 1,000 gradë C rrëshqiste frikshëm poshtë faqes së malit drejt brigjeve perëndimore të detit në La Palma. Lajmi që lumi i llavës arriti bregun e oqeanit ishte njëfarë lehtësimi për grupet e shpëtimit pasi tani pritet të ndjekë të njëjtin shteg rrjedhjeje, duke kufizuar shkatërrimin. Llava ka shkatërruar më shumë se 600 shtëpi e ka djegur rreth 300 hektarë tokë.