Fieri, është qarku i dytë më i madh pas Tiranës, i cili do të kalojë ne një proces rinumërimi si për partitë garuese ashtu dhe për kandidatët preferencial. Me kërkese te dy anëtarëve të KAS Ledio Braho dhe Elvis Ccefa 587 kuti do hapen ndërsa fletet e votimit do kalojnë sërish në duart e numëruesve për tu lexuar dy herë. Në qarkun Fier rezultojnë 5. 826 vota të pavlefshme. Kur vullneti i fierakëve u numërua herën e parë, Nisma Shqipëria Bëhet e humbi mandatin ne Qarkun Fier për 518 vota dhe me hapjen e kutive shpreson qe ti " rrëmbeje" mandatin e 12 Partisë Socialiste, mandat të cilën e mori Zegjine Ccaushi, që jashtë Parlamentit më së shumti e do Partia Demokratike. Adriatik Lapaj dhe Sali Berisha nuk benë aleance para zgjedhjeve, por një të tillë u duk se e bënë në sallën e KAS pasi juristi Marash Logu, i cili në emër të Partisë Demokratike kërkoi hapjen e vetëm tri kutive, mbështeti kërkesën e Nismës Shqipëria Bëhet, për tu hapur të gjitha kutitë e qarkut Fier, ndërsa anëtarët e KAS të zgjedhur nga opozita nuk hezituan ti japin dritën jeshile.