Kamionistët protestues kanadezë vijojnë të mbanjnë të bllokuara pikat e rëndësishme të transportit kufitar me SHBA. ata kundërshtojnë masat e qeverisë për vaksinimin e detyruar dhe kufizimet Covid. Protestuesit refuzuan urdhrin e gjykatës të premten mbrëma për largimin e tyre teksa lëvizja e protestës bëhet gjithnjë e më e madhe. Kryeministri i Ontarios shpalli gjendjen e emergjencës në provincë, me të cilën autoritetet mund të vendosin gjoba deri në 100,000 dollarë ose deri në një vit burg për bllokimin e infrastrukturës. Gjykatësi i lartë i Ontario, Geoffrey Moraëetz, kishte dhënë afat për largimin e protestuesve deri mbrëmjen e të premtes por koha ka kaluar dhe bllokada vijon. Policia në Ëindsor paralajmëronte se kamionistët protestues mund të arrestohen dhe automjetet e tyre të sekuestrohen. Prej të hënës shoferë kanadezë protestues ndaj masave qeveritare të vaksinimit kanë bllokuar urën e rëndësishme që lidh Ëindsor me Detroit, në të cilën kalon rreth 25% e tregtisë me SHBA. Ndërkohë mijëra kamionistë të tjerë kanë bllokuar zonën qendrore adminsitrative në kryeqytetin Ottaëa prej dy javësh. Kamionistë protestues kanë bllokuar gjithashtu kalimet kufitare me SHBA në Alberta e Manitoba.