Zëvendës-presidentja amerikane Kamala Harris u ul sot në Paris me misionin e riparimit të marrëdhënieve mes SHBA dhe Francës pas krizës së anullimit të kontratës së nëndetëseve. Në vizitën e saj katër-ditore Harris do të takohet me presidentin Emmanuel Macron, do të marrë pjesë në një forum ndërkombëtar paqeje dhe në një konferencë multilaterale për Libinë. Udhëtimi i saj vjen pas përplasjes së shtatorit kur Australia braktisi një marrëveshje multi milionëshe armatimesh me Francën, për të zgjedhur një tjetër alternativë me SHBA dhe Britaninë. Presidenti Joe Biden është përpjekur dhe ai të riparojë dëmin duke u takuar muajin që shkoi me Macron. Ai pranonte se marrëveshja e nëndetëseve me Australinë “ishte kryer në mënyrë të rrëmujshme”, edhe pse është pjesë e aleancës së re strategjike mes SHBA Australia e Britanisë, në paktin e quajtur AUKUS. Zemërimi i Francës për cështjen ishte i qartë kur Parisi tërhoqi ambasadorët e saj nga Uashingtoni dhe Canberra, pas anullimi të marrëvehsjes $60 miliardëshe me kontraktorin francez. Harris takohet me Macron të mërkurën, ku pritet të konformojë ofertat e paqes së presidentit Biden, duke përfshirë dhe ndihmë të mundshme ushtarake për misionet anti-terroriste të Francës në Afrikën qendrore.