Gjykata e Apelit vendosi rikthimin për rigjykim të sekuestrimit të 50 milionë euro pasurive të Kristian Boçit dhe 6 personave të tjerë. Sipas vendimit, u prish vendimi i datës 27.06.2024 i dhënë nga Gjykata e Shkallës së Parë të Juridiksionit të Përgjithshëm Tiranë dhe u kthye çështja për rigjykim në po atë gjykatë me tjetër përbërje të trupit gjykues. Në njoftim theksohet se është referuar materiali kallëzues për veprën penale “Pastrimi i produkteve të veprës penale”, në ngarkim të shtetasit me iniciale E. A. Në vijim të veprimeve procedurale është kërkuar: -Vendosja e masës së sigurimit pasuror “sekuestro preventive”, për 7 (shtatë) shoqëritë tregtare, me administaror shtetasin me iniciale E. A. – Vendosja e masës së sigurimit pasuror “sekuestro preventive”, për 8 (tetë) pasuritë e shoqërisë “F……” sh.p.k. – Vendosja e masës së sigurimit pasuror “sekuestro preventive”, për 2 (dy) shoqëritë tregtare, të regjsitruara në emër të shtetases me iniciale M. N. – Vendosja e masës së sigurimit pasuror “sekuestro preventive”, për 1 (një) shoqëri tregtare, të regjsitruara në emër të shtetasit me iniciale V. A. – Vendosja e masës së sigurimit pasuror “sekuestro preventive”, për 5 (pesë) shoqërtë tregtare, të regjsitruara në emër të shtetasit Kritjan Boçi. – Vendosja e masës së sigurimit pasuror “sekuestro preventive”, për 8 (tetë) pasuritë e regjsitruara në emër të shtetasit me iniciale Kritjan Boçi. – Vendosja e masës së sigurimit pasuror “sekuestro preventive”, për 3 (tre) pasuritë e regjsitruara në emër të shtetasve me iniciale E. A dhe M. N.