Në dhomën e tyre nuk ka shenja dhune, cka i shtyn hetuesit të mendojnë se dy vogëlushet 11 dhe 3 vjec, janë vrarë në gjumë. Ngjarja e rëndë ndodhi në Verona të Italisë dhe dyshimet kryesore rëndojnë mbi nënën e vajzave, e cila pas krimit, është larguar nga banesa. Forcat e rendit, ende nuk kanë rënë në gjurmët e saj. Mediat italiane shkruajne se vajzat ishin larguar prej babait të tyre të dhunshëm me vendim të një gjykate për të miturit. Nëna me origjinë nga Sri Lanka ka arritur të largohet para se të gjendeshin trupat e pajetë. Kërkimet për 40 vjecaren janë shtrirë dhe në lumin Adige, pasi dyshohet se gruaja mund të ketë tentuar vetëvrasjen. Nuk dihen ende arsyet e gjestit të saj të tmerrshem. Tani priten rezultatet e autopsisë, të cilat mund të nxjerrin në pah ndonjë element të vlefshëm për hetimin.