Presidenti amerikan, Donald Trump sulmoi homologun rus Vladimir Putinin për testimin e tij të fundit të raketës bërthamore duke e paralajmëruar ashpër atë e duke i kërkuar t’i japë fund luftës. Putin prezantoi një ditë më parë super-armën e re që njihet edhe si Cernobili Fluturues, dhe tha se ajo ishte testuar me sukses dhe do të ishte së shpejti gati për përdorim në luftë. Duke reaguar, Trump tha: Ai duhet t'i japë fund luftës. Një luftë që duhej të kishte zgjatur një javë tani po shkon drejt vitit të saj të katërt. Kjo është ajo që ai duhet të bëjë në vend që të testojë raketa". Trump po ashtu paralajmëroi se Rusia e di se shba ka një nëndetëse bërthamore, “më të mirën në botë, pranë brigjeve të tyre. Nuk ka nevojë të përshkojë 14 mijë km distancë”. Trump gjithashtu la të kuptohej se sanksione të mëtejshme për rusinë janë në rrugë e sipër. Kur u pyet nëse Putin do të përballej me ndonjë masë të mëtejshme, Trump u përgjigj: "Do ta zbuloni."