Shoqata “Roma Cares”, pjesë e ekipit të njohur të futbollit italian Roma, shpërndau uniforma, topa, këpucë e shumë artikuj të tjerë për dy shkollat 9-Vjeçare “Hasan Prishtina” e “Vasil Shanto” në kryeqytet, në prani të Ambasadorit të Italisë, Fabrizio Bucci, dhe kryetarit të Bashkisë së Tiranës, Erion Veliaj. Kryebashkiaku falenderoi përfaqësuesit e Roma Cares dhe riktheu në vëmendje investimet e bashkisë për aktivitetet sportive, sidomos për fëmijët. Atëherë dhashë fjalën se fusha do i kthehej Laprakës, çunave dhe gocave që stërviten këtu, do ta ketë qyteti i Tiranës. Na duhen më shumë hapësira për të bërë sa më shumë fusha të tilla. Duke e mbajtur fjalen, e kam shumë kollaj të vij në Laprakë. Për sportistët e vegjël Veliaj tha se “secili duhet të na japë fjalën që do të vazhdojë të jetë sportist i mirë. Ambasadori i Italisë, Fabrizio Bucci tha se ky është një premtim i mbajtur, pasi vitin e kaluar, kur Françesko dhe ekipi i AS Roma ishin këtu, premtuan që do vinin përsëri dhe që bashkëpunimi mes Shoqatës Sportive dhe Bashkisë së Tiranës do të shtrihej më tej”.