Inflacioni në eurozonë u rrit në 3.3 për qind gjatë gushtit, i nxitur kryesisht nga shtrenjtimi i energjisë. Të dhënat forcojnë pritshmëritë që Banka Qendrore Europiane të rrisë normën e depozitave në 2.5 për qind në mbledhjen e 10 shtatorit. Inflacioni bazë ndërkohë ra në 2.4 për qind. Inflacioni në eurozonë u rrit në 3.3 për qind gjatë gushtit, i nxitur kryesisht nga shtrenjtimi i energjisë. Të dhënat përforcojnë pritshmëritë se Banka Qendrore Europiane do të rrisë normat e interesit në mbledhjen e shtatorit. Inflacioni në 21 vendet që përdorin monedhën euro u rikthye mbi nivelin 3 për qind. Sipas Eurostatit, çmimet u rritën me 3.3 për qind në gusht, nga 2.9 për qind që ishte inflacioni në korrik. Rritja u shkaktua pothuajse tërësisht nga shtrenjtimi i energjisë. Lufta e zgjatur në Iran ka rritur çmimet e naftës dhe gazit natyror, ndërsa edhe kompanitë e përpunimit të naftës kanë shtuar marzhet e fitimit. Megjithatë, presionet bazë mbi çmimet mbeten të moderuara. Inflacioni bazë, që nuk përfshin ushqimet dhe energjinë, ra në 2.4 për qind nga 2.5 për qind në korrik. Edhe rritja e çmimeve të shërbimeve u ngadalësua në 3 për qind. Tregjet presin që më 10 shtator Banka Qendrore Europiane ta rrisë normën e depozitave në 2.5 për qind. Kjo do të ishte rritja e dytë e normave gjatë këtij viti, pas ndërhyrjes së muajit qershor.