Rayyan Alwan, një 24-vjeçare palestineze, u gjet e vrarë me thikë nga babai i saj, Fadi Alwan, në banesën që ajo kishte marrë me qira në Tiranë. Ngjarja tragjike ka ndodhur disa javë më parë, ndërsa së fundmi janë zbuluar disa komunikime të viktimës para se babai i saj t’i jepte fund jetës së saj. Sipas burimeve, personi i fundit që ka komunikuar me Rayyanin ka qenë i dashuri i saj libanez, të cilin ajo e kishte njohur në Gjermani. Ai punonte në një supermarket në Gjermani, pranë restorantit ku punonte Rayyan. Komunikimet e fundit ndërmjet tyre janë një pjesë e hetimeve që po realizohen për të kuptuar më mirë dinamikat që çuan në këtë krim të rëndë. Ata kanë folur me njëri tjetrin, teksa i dashuri i viktimës ka vënë re mungesën e përgjigjeve nga partnerja e tij, e për këtë më pas e ka pyetur. Pas këtyre bisedave ka ardhur edhe një mesazh nga palestinezja e vrarë nga i ati, ku i kërkon të kujdeset për veten. “Dashuria ime, jam në aeroport tani. Të lutem kujdesu për veten. Nuk mund të flisja me ty dje sepse mami donte që të shkoja te ajo dhe të largohem. Kam fjetur në shtëpinë e saj”.