Figura të njohura të kinematografisë dhe artit botëror por edhe atij francez i kanë bërë homazhe yllit francez të filmit, Alain Delon, ndërsa të shumtë janë fansat dhe dashamirësit e mbledhur përpara shtëpisë së tij.EFEKTEPresidenti francez Emmanuel Macron tha se Franca humbi aktorin që luajti role legjendare dhe e bëri botën të ëndërronte, gjë që e forcoi figurën e tij si një ikonë kombëtare.“Melankolik, popullor, i fshehtë, ai ishte më shumë se një yll: ai ishte një monument francez”, shkroi Macron në platformën X.“Ne besojmë se ai ishte i pavdekshëm, talenti i tij, karizma e tij, atmosfera e tij e bënë atë të destinuar për një karrierë në Hollyëood në një moshë të re, por ai zgjodhi Francën”, tha ne X ministrja franceze e Kulturës, Rachida Dati.“Mirupafshim mik. Një koleksion i mrekullueshëm filmash, një personalitet i jashtëzakonshëm dhe magjepsës. Bukuria nuk mjafton për të shpjeguar evolucionin e jashtëzakonshëm të talentit të tij. Ai ishte ylli i fundit Samurai”, shkroi shkrimtari dhe regjisori francez Philippe Labro, pas lajmit për vdekjen e tij.Gazeta “Le Parisian” e quajti Delon “një legjendë të kinemasë”, ndërsa “Liberation” e përshkroi atë si “një figurë udhëheqëse e kinemasë, mashkullin simbol, aktor me karizëm të çmendur”.