Marokenët janë në ankth për jetën e 5-vjeçarit Rayan, që është i bllokuar prej katër ditësh në një pus të ngushtë dhe të thellë 30m, i cili ndodhet pranë shtepisë së vogëlushit. Operacioni tërhoqi vëmendjen e të gjithë rezidentëve në vendin afrikano-verior madje dhe në Algjerinë fqinje. Mediat vendase thanë se zyrtarët kanë arritur të dërgojnë ujë dhe oksigjen te fëmija i bllokuar, por nuk ka shumë informacion mbi gjendjen e vogëlushit. Galeria është vetëm 45 centimetra e gjerë, cka e bën të pamundur futjen e punonjësve të shpëtimit. Autoritete thanë se janë në fazat e fundit të operacionit pasi janë duke hapur një tuneli paralel me tunelin ku ndodhet fëmija. "Jemi afër. Kemi punuar pa ndalim për tre ditë dhe ka nisur lodhja, por grupet e shpëtimit vijojnë perpjekjet”, tha një prej drejtuesve të operacionit.