Policia ka finalizuar në Lushnje operacionin e koduar “Passport” një strehim emigrantësh si dhe ka arrestuar dy shtetas, të cilët kishin si synim transportin klandestin në vendet e BE-së kundrejt pagesës. Të arrestuarit janë shtetasit me iniciale G. H., 53 vjeç dhe Xh. H., 24 vjeç, (babë e bir), banues në Karbunarë, Lushnjë. Këta shtetas, në lagjen "Kongresi", Lushnjë, kishin marrë një banesë me qera, që shërbente si bazë për të strehuar klandestinë me qëllim trafikimin e tyre për në vendet e Bashkimit Europian duke i pajisur me pasaporta të dyshuara të falsifikuara. Kontrolli i kryer në bazën e dyshtetasve janë gjendur 5600 euro, 11 pasaporta ,dokumenta të tjera të dyshuara të falsifikuara, 6 aparate celularë, 1 laptop dhe 1 automjet. Materialet do i kalojnë Prokurorisë pranë Gjykatës së Shkallës së Parë Lushnjë, për veprime të mëtejshme procedurale