Sot gjermania mban zgjedhjet e parakohëshme fushata e të cilave është mbizotëruar nga temat e emigracionit dhe e ekonomisë. Sondazhet nxjerin CDU/CSU si në krye duke premtuar kështu një ndryshim politik. Fushata elektorale ishte shkurtër, por e ashpër. Një fjalë u përsërit shpesh: ndryshim kursi. “Provuat tre vjet të bëni politikë të majtë në Gjermani. Nuk mund të vazhdoni më kështu”, tha dy javë para zgjedhjeve Friedrich Merz, kandidati për kancelar i partive konservatore. Në nëntor 2024, qeveria u shpërbë pas muajsh të tërë debatesh për mungesën e fondeve në buxhet. Kjo situatë çoi në zgjedhjet e parakohshme. Ndërsa të Gjelbërit ruajnë në sondazhe një njëjtën mbështetje, partitë e majta socialdemokrate kanë pësuar një rënie të ndjeshme. Çdo rezultat nën 20% do të ishte më i keqi në historinë e pasluftës – dhe sondazhet e tregojnë atë në 14%. Në vendin e dytë, me rreth 20% të votave, është AfD-ja, një parti pjesërisht ekstremiste e djathtë. Por si rane socialdemokratet dhe u ngrit AfD-ja? Kandidati për kancelar i CDU-së, Friedrich Merz, e shpjegon këtë me rënien e ekonomisë. Sipas tij, “ekonomia jonë kombëtare, është tani e fundit në Bashkimin Evropian”. 50,000 kompani kanë shpallur falimentim dhe rreth 100 miliardë euro kapital biznesi largohet nga vendi çdo vit. “Ekonomia jonë po tkurret, për të tretin vit radhazi jemi në recesion. Kjo nuk ka ndodhur kurrë më parë në historinë e pasluftës në Gjermani.” Ndërsa Merz kritikon qeverinë kancelari Scholz mbrohet duke thënë se nuk është faji i qeverisjes së tij, por agresioni i Rusisë ndaj Ukrainës që ka shkaktuar krizën energjetike dhe inflacionin. Sipas Scholz-it, vështirësitë ekonomike do të vazhdojnë edhe për shkak të politikave të papritura të presidentit amerikan Donald Trump. Ndërkohë nga afd ka dëshirë për koalicion me konservatorët por kandidati për kancelar e përjashtn këtë mundësi sepse qënllimi i afd është të shkatërrojë CDU. Por Merz-it nuk do t’i mjaftojnë votat për të qeverisur pa një parti partnere në koalicion. Sa më shumë parti të hyjnë në Bundestag, aq më të ndërlikuara bëhen marrëdhëniet dhe formimi i një qeverie. E majta pritet të arrijë pragun e hyrjes në parlament, ndërsa partitë e rja janë në rrezik. Nëse dndonjë prej tyre hyn në Bundestag, do të nevojitet një qeveri tripartiake. Por liberalët kanë thënë se nuk duan të hyjnë sërish në një koalicion me të Gjelbërit, duke lënë si opsion vetëm një aleancë mes CDU/CSU, SPD dhe FDP. AfD-ja nuk ka gjasa të hyjë në ndonjë koalicion, por drejtuesja e saj Alice ëeidel deklaroi se qeveria e re do të vijojë politikën e deritanishme dhe se ndryshimi do të ndodhë gjithsesi, por “vetëm do të vonohet”.