Në pamjet ajrore shihej sot shkatërrimi i shkaktuar nga vullkani i malit Semeru, i cili ka mbular me hi fshatra të tërë në lindje të ishullit Xhava. Të paktën 15 njerëz kanë gjetur vdekjen teksa Semeru vijonte sot të lëshonte hi që prej shpërthimti të së premtes. Pamjet ajrore tregonin rrugë të tëra të mbuluara nga hiri gri që ka përpirë shtëpi dhe automjeve, përfshi deh kamionë të tërë. Autoritetet indoneziane të katastrofave thonin se ende 27 njerëz janë të humbur. "Shpersoj që ata të gjejnë djalin tim ... sa herë dëgjoj për gjetjen e një viktime shkoj të shikoj nëse është im bir”, tha një banor i fshatit Sumbervulu. "Ka ende shanse që të ketë mbijetuar ... Ndoshta është fati i tim biri, por shpresoj që ai të gjendet, edhe sikur vetem trupi", thotë i ati. Aktiviteti i vazhduar vullkanik ndërpriste sot përpjekjet e kërkimeve teksa grupet e shpëtimit duhet të tërhiqeshin nga disa zona. Re të dendura tymi vazhdonin të dilnin nga zonat e mbuluara nga hiri vullkanik, teksa kërkuesit me helmeta të kuqe gërmonin për të gjetur të mbijetuar ose trupa të viktiamve.