Akrobati francez Nathan Paulin ecte sot në litar mes dy kodrave të Plazhit të Kuq pranë malit Sugarloaf në Rio de Janeiro, me largësi 500-metra dhe në rreth 70 metra lartësi. Performanca është pjesë e një projekti të koreografit Rachid Ouramdane, drejtor i teatrit Shajot në Paris. Paulin tha: "Është një ndjesi e mrekullueshme pasi projekti ynë ishte shtyrë disa herë prej Covid. “Tani ne mund të vijmë këtu dhe të na shohin të gjithë, të na inkurajojnë.” “Njerëzit mund të na shikojnë nga toka dhe të reagojnë, është e mrekullueshme”. "Teksa ecja kisha mundësinë të ktheja kokën prapa e të shihja çdo gjë. Kishe zogj që fluturonin por nuk kisha frikë apo mendime negative”. Më tej akrobati shton: "Atje lart kishe një panoramë 360-gradë, mali Sugarlof në një anë dhe në anën tjetër Corcovado. Më pas ishte qyteti i Rio, i ngulitur mes malit e detit”. “Ishte çmenduri të ishte mes këtyre të dyjave dhe të shikoje gjithçka”.