Roja bregdetare e ukrainas në Detin Azov patrulloi gjatë të shtunës pranë ujërave të qytetit Mariupol, ndërkohë që orët e fundit janë shtuar tensionet dhe paralajmërimet për luftë. kohë më parë flota e Ukrainës ishte e vendosur në portin e Sevastopol në Krime, por ajo u largua nga aty kur Rusia e aneksoi gadishullin bashkë me anijet në 2014. Kapiteni i patrullës Oleksandr Surkov ka dyshime për forcën e mitralozëve që mbajnë barakat e tij dhe ankohet se sa të paefektshme do të ishin ndaj luftanijeve ruse që kanë nisur manovrat në Detin e Zi. "Armët tona janë kryesisht për mbrojtjen e kufijve, jo për të bërë luftë”, thotë 32-vjeçari teksa barka hyn në portin industrial të Mariupol. "Por nëse na sulmojnë, ne do të mbrohemi me çdo armë që kemi”, thotë Surkov. Mediat perëndimore thanë se tensionet mund të përshkallëzohen të dielën kur nis faza e zjarrit në manovrat ushtarake ruse në Detin e Zi. Manovrat do të zgjasin një javë, gjatë të cilave do të bllokohen rruget detare tregtare në detin Azov dhe ngushticen Kersh mes Rusisë e Krimesë.