Festa e Lakrorit, u organizuar si çdo vit në Fshatin Polenë duke sjellë në qendër të vëmendjes një nga gatimet më të njohura të zonës lakrorin me dy petë të pjekur në saç. Festa organizohet prej 14 vitesh por synimi është që të konsolidohet kjo traditë ku marrin pjesë amvisa nga Polena, të cilat përgatisin lakrorin me dy petë, të ndihmuara nga bashkëshortët që kujdesen për pjekjen në saç për ta ofruar më pas për turistët.